سأعود

السلام عليكم ورحمة الله وبركاته

.. ♥ .. Last Dinner .. ♥ ..

اليوم العصر رحت للمستشفى
بعد مقاومة للألم دامت اسبوع او اكثر
كنت متوقعه الألم ناتج عن مغص وشغلات زي كذا
اشتد علي الألم امس بالليل واستمر الى اليوم

رحت المستشفى وكان زحمه عند اخصائي الباطنية بشكل غريب
لأول مره اشوف زحمه زي كذا
في غرفة الانتظار امرأه كبيرة في السن، تسألني عن حالي
شافتني اتألم وجلست تدعي لي
ابكتني بصراحه، وكتمت بكائي ، ما توقعت ان فيه ناس حساسه كذا
طول الوقت وهي تستفسر مني عن حالتي، بس انا لسى ما كشف علي الطبيب
وتذكرني بالأدعية والأذكار جزاها الله خير

دخلت عن الدكتور متأخر للأسف، بعد صلاة المغرب
وكان الدكتور في حيره بين امرين، حولني لأخصائي جراحه عشان الـ

Ultrasound
(لأن لما يطلبها أخصائي جراحه يخلصونه بسرعه في نفس اليوم)
اللي قهرني بالموضوع، ان شخص ما وصل ملفه ويبغى يدخل على الدكتور
ويتكلم مع الممرضه وهي تقول له اسامي وهو يقول لها لأ ويعطيها ايصال الدفع
وترجع تأشر له اجلس، وهو يبي يدخل

انا انقهرت لأن الدور كان دوري
لو مو دوري كان ما اهتميت وطنشت الموضوع وجلست انتظر

اي شخص خضع للألتراساوند يدري ان لازم يشرب كمية ماء كثيرة
واللي يتعب اكثر انهم مشغلين التكييف، بااااااااااااااااارد
تخيلوا يعني الوضع، شرب ماء كثير وغرفة بااااردة
قمة التعذيب صراحه ، ومع الألم يعني ، مدري وش اقول

الألم بدأ يزيد علي كثير ولا اتحمل اكثر وقدامي 6 مرضى
بعد ساعه ونص صار العدد 3 ، متخيلييين الزحمه شلون
رحت للدكتورة و وصفت لها حالتي وان الموضوع مستعجل
قالت لي كلمي الممرضة هي المكلفة بالملفات ! طيب

اكلمها تقول لي انتظري الـ3 اللي قدامك
طيب الدكتور لازم ارجع له، وعلى ما يخلصون الـ3 يكون راح
وما اقدر اخذ اي مسكنات وانا مدري وش علتي !! وهي معانده
كلمتها قدام الدكتورة عشان تقتنع ان حالتي مستعجله
قالت استأذن من المدام الحامل اول
من حظي ان المدام الحامل كانت تسولف مع امي
وقالت لها عن معاناتي والحمدلله سمحت لي اتقدمها

دخلت الغرفة، ودخلت الدكتورة
وانا قلبي احسه في بطني من القلق والتوتر
الحمدلله طمنتني ان المبايض سليمه، كانوا الأطباء متخوفين منهم
بس كنت اشوف الدكتوره تخطط على شي بالشاشه قدامي
ودي اسألها وشو بس ساكته
رجعت للدكتور وقال لي ان الالتراساوند كان عشان يستبعد اي شي بمنطقة الحوض
ويتأكد ان كل شي سليم

بكل بساطه قال لي بكره نسوي لك عملية
نستأصل الزائدة، والا ما تسوينها؟
خوووووووووش دكتور يشاور بعد
من الألم مش قادره اضحك، قلت له عملية عملية
بس اهم شي ارتاح من الألم

الحمدلله العملية راح تكون بالمنظار، يعني ما راح اتشوه
(هذا اللي شايله همه)
بتكون بس شقوق صغيره في 3 مناطق في البطن ما تتعدى الـ1 سم

في هذي الساعه احتمال اكون سويت العملية واحتمال لا
في كلا الحالتين، راجعه لكم بإذن الله بعد كم يوم بكامل عافيتي

كونوا بخير