عدنا

مساء/صباح الخير

الحمدلله الذي كشف عني السوء وامدني بالصحه والعافية
عدت للممارسة حياتي اليومية بشكل “شبه” طبيعي ولله الحمد
فيه كم موضوع كنت راح اكتب عنهم وكم إسوارة انزل طريقتهم، قدّر الله وما شاء فعل

المهم

رجعت البيت ظهر الأربعاء بعد معاناة يومين
أقول يومين لأن يوم العملية ما اتذكر منه الشيء الكثير
كل اللي اذكره منه اني كنت اقاوم الألم وأحاول اتغلب عليه

بصراحه اللي مريت فيه اتمنى ما اشوف اي شخص عزيز علي يمر فيه
الألم و الشعور بالضعف والاحتياج للغير للقيام بأبسط حركه

بيني وبينكم
ما كنت مستوعبه اللي يصير أبداً، إلى ان شفت الممرضة جايه تقول
“ياللا”
هنا حسيت ان كل شي حقيقه ما هو حلم
طول الوقت وانا اقول حلم راح اصحى منه
ما كنت خايفه الحمدلله، الأذكار والآيات القرآنية ريحتني كثير
وإيماني الكبير بأن أي شيء يصير لي مكتوب ومقدر
الوضع جداً طبيعي، كنت متوقعه إني احس بخوف ولو بسيط
بس ما حسيت بأي شي

وصلت غرفة العمليات 11:20 الصباح
كانت باردة جداً جداً جداً، وملابس العملية ما تسوي شي
غصب عني كنت أرجف من شدة البرد
الممرضة تجي تبتسم بوجهي وتقول لي لا تخافين كل شي راح يكون بخير
طبيب التخدير يكرر نفس الكلام، قلت له مش خايفه بس بردانه
يرجع يسألني “سأعآآآنه والا خايفه”
قلت له لأ، سأعآآآآآنه

الشي اللي خلاني اضحك بغرفة العمليات كلام طبيب التخدير
سألني “متقوزه يا ست حنان” قلت له لأ
جاوبني “ان شاءالله العملية دي وش خير عليكي، تخرقي من هنا وتتقوزي من هنا”
ما قدرت امنع نفسي من الضحك بصراحه

قبل ما يعطيني إبرة المخدر طلب مني اقرأ الفاتحة وآية الكرسي
ما يدري اني بداخلي اردد كل شي حافظته حتى احافظ على هدوئي واطمئناني

فجأه
سمعت صوت غريب وبعدها ما حسيت بشي
وعيت على الساعه 1:45 الظهر
وكل اللي اذكره من ذيك اللحظات اني كنت اقول للممرضه
I want to see my mother
بالإنجليزي بعد لوووول هذا وحده توها صاحيه من البنج
كان صوتي مررره ما ينسمع ولا اقدر ارفع صوتي
حست الممرضه اني اقول شي وقالت لي راح ناخذك لغرفتك
انتظري شوي

كانوا ينتظروني اصحى اكثر
امي استقبلتني عند باب غرفة العمليات
ارتحت كثير كثير ونسيت كل شي انا فيه
دخلت الغرفة والانتقال من سرير لسرير كان معاناة
بس الحمدلله عدت على خير

من الظهر الى المغرب ما كنت في كامل وعيي
كنت اصحى شوي وانام شوي
استوعب ان فيه زوار ويتكلمون واجاوبهم
بس لسى احس اني مش 100% معهم

أكثر شي عانيت منه كان الأدوية
مغذي بعده مضاد حيوي بعده نوع ثاني مضاد حيوي
طول الليل وهم كذا إلى ان بدت يدي تألمني
ناديت الممرضه وغيرت مكان الابرة
وارتحت الحمدلله

ثاني يوم وليله، ما اذكر منها الكثير بعد
مدري شفيني حسيت اني عجوز على هالذاكرة الضعيفه
بالليل جاتني ممرضه جديده، غير الممرضات اللي مروا علي أول وثاني يوم
يا الله كرهتها كره ذاك اليوم، لأول مره أبكي من ألم سببه لي شخص
غيرت لي المضاد الحيوي، وضغطت بقوة على يدي، وصرت أحس بألم
وأصبّر نفسي واقول يخف ويزول، طوّل الوقت وزاد الألم
اناديها، ما تجي !! مره مرتين ما جات !! ثالث مره بعد ربع ساعه جات

“لو وحده مختنقه، تموت وهم ما انقذوها”

رجعت لي وتحاول تعدل الإبرة وبدل ما تخفف الألم تزيده
رفضت انها تعطيني اي دواء
عصبت حضرتها وقالت لي اجيب لك ورقه توقعين انك رافضه
رجعت وقلت لها حطي لي الدواء الثاني
عاندت وأصرت انها تركب اللي تبيه !! يا سلاام

قلت لها ابي ممرضه ثانية ناديها
ما يسوى علي الألم ساعه كامله وحضرتها تقدر تخففه
والحمدلله جاتني ممرضه مسلمه، يكفي اني اسمعها تسمّي قبل ما تدخل الإبرة
غيرت مكان الإبرة :’( من جد تعذيب تغيير مكانها
والحمدلله ارتحت وقدرت انام في ذي الليله

ثالث يوم زارني الدكتور وقال لي خلاص نزيل انبوب التصريف
(اظن اسمه كذا)
وسألني اذا نفسي اطلع اليوم او عاجبتني جلسة المستشفى
بدون تفكير، البيت أريح

خلصوا أوراقي وجاتني ممرضه هنديه، حبيتها مره
يدها خفيفه ما شاءالله عليها
اعطتني ادويتي وبطاقة المراجعه وتأكدت اني فهمت كم مره آخذ الأدوية
ظهر الأربعاء الساعه 1:30 انا في بيتنا

و آآآآآآآآآهـ يا زين البيت زينآآآآآآآآآه
نمت نومه الظهر، كأني ما نمت من أسابيع !
نومه مريحه بمعنى الكلمه

الحمدلله اني استعجلت بمراجعة المستشفى
واكتشفت العلة بوقت مبكر، وعالجتها

لا تهملون اي أعراض غريبه عليكم
أي ألم يجيكم لا تقولون شوي ويروح، إذا ما كان جاكم من قبل لا تتجاهلونه

ما راح اقول ألم وتخلصت منه
راح اقول ألم وتعلمت منه
تجربة غيرت علي أمور كثيره

الله يحفظكم ويحميكم من كل مكروه
كونوا بخير